內地女星劉詩詩及倪妮年初主演嘅內地時裝劇《流金歲月》成焦點，播出初期就大Sell姊妹情，仲以「雙女主」做噱頭，不過劇集播出後，小說原著設定劉詩詩係女主角，但改編後卻被倪妮搶盡風頭，劉詩詩淪為配角，二人粉絲即互挖對方偶像黑材料，去到最後雙方公司團隊更互告對方粉絲收場，場面難堪又尷尬。
不過有傳劉詩詩「屢敗屢戰」，大陸傳媒指佢近日又接咗一個雙女主角劇本，不過佢今次轉為向張鈞甯發出合作意願，2人曾經合作過，有一定交情，不過張鈞甯卻以「要休息一陣子，暫無意接長篇劇。」為由婉拒，搞到主角人選再次懸空，令一眾花旦關係備受關注。
有網友就分析，其實劉詩詩同張鈞甯戲路相似，氣質同表演風格相差無幾，2010年二人合作劇集《天涯織女》時，已經傳過原本劉詩詩做女主角，不過佢就鍾意另一刁蠻嬌俏嘅配角，於是自願為張鈞甯作配，結果劉角色討喜，受歡迎程度遠勝張鈞甯，未知係咪今次張鈞甯推戲踲考量之一。
來源 source: http://hk.on.cc
|
鍾意就快D Share啦！
|
|
|