前港姐冠軍葉翠翠於將軍澳電視城為節目《開心大綜藝》擔任嘉賓，她笑說：「今晚大會安排咗我坐喺兩位近年嘅港姐中間，我發覺個頭同身形都闊過佢哋1倍，上鏡有啲擔心，雖然最近減咗15磅，但生咗3個，同埋踏入『4』字頭，真係冇得揮，要行埋一邊。」
3子之母的翠翠帶了兩個小朋友亮相，被問到可會再生BB？她說：「唔會喇，真係好驚，我驚冇命呀，好辛苦，冇晒自己時間，3個換片、食飯，每日都好似打仗咁。最大問題生完BB情緒係有改變，產前抑鬱都未搞掂，又嚟產後抑鬱，前後經歷6次抑鬱，要靠做運動走出唔好嘅情緒，走出抑鬱狀態。」
翠翠被問到有甚麼選美秘聞分享，穿泳衣可有「僭建」？她笑說：「泳衣唔可以加墊，呢啲都唔係秘密，因為每次出場都會有保母去檢查，我估冇人嘗試做呢樣嘅，自己亦唔夠膽試。」翠翠透露自言曾參加過兩次港姐，第一次因為讀緊大學，所以去到第二輪面試已放棄，直至2005年再參加，當時大會以「改變一生」作宣傳，亦覺得選港姐改變了她的人生軌迹。
來源 source: http://hk.on.cc
|
鍾意就快D Share啦！
|
|
|