2021年5月24日星期一

着Deep V泳衣切豬髀現「導彈胸」陳偉琪獲讚「肥大肉厚」 #陳偉琪

着Deep V泳衣切豬髀現「導彈胸」陳偉琪獲讚「肥大肉厚」

Vicky無懼被公司雪藏，生活依舊多姿多彩，仲喺遊艇開生日派對。

36E「無線咪神」陳偉琪(Vicky)5月21日30歲生日，由於Vicky曾涉及醉駕被捕，又被爆背男友街頭與外籍男激咀，形象太差被TVB飛出處境劇《愛．回家之開心速遞》劇組，但Vicky家底夠雄厚，有屋企撐起繼續過住奢華生活，無懼被公司雪藏，生活依舊多姿多彩。喺生日月除咗不停開生日派對外，更頻頻出海玩過夠。

昨日香港氣溫高達36.1度，打破天文台5月以來最高溫紀錄，Vicky再出海消暑，只見她着住一件頭大Deep V泳衣喺遊艇彎身切豬髀，「導彈胸」乍現，留言：「今年唔切蛋糕，切西班牙黑毛豬火腿！會不會太帥了？感激有愛我的他們，一早準備晒這個surprise party。#我真幸運」當然Vicky嘅導彈身材比西班牙黑毛豬火腿搶Fo，網民大讚一身古銅色肌膚嘅「細龍太」：「好性感」、「有睇頭美女切美腿」、甚至有語帶相關留言：「肥大肉厚」；也有直接表達：「胸部很巨大」。