Set防線杜絕身痕
Set防線杜絕身痕
39歲的張頴康，成為人夫及爸爸後，近年才有艷福埋身。去年播出街的劇集《解決師》，他跟馮盈盈那場濕身埋牙戲，又激吻又啜耳仔，一度引起熱話。日前劇集《逆天奇案》，他再有連場肉搏咀戲，被靚女對手劉佩玥黑絲誘惑，簡直恨死好多男人！
不過眾所周知，大台入面，除了陳豪，張頴康是數一數二的模範老公，結婚8年個底一向乾淨。張頴康為家庭，一向Set條防線非常高，以杜絕身痕機會，故婚後至今，好老公的金漆招牌一直完整無缺。
15年拍《東坡家事》拒誘惑
15年拍《東坡家事》拒誘惑
防守功夫做得足的他，早在15年已遇過考驗，當時他為大台劇《東坡家事》返大陸拍攝，據知一位出名鍾意四圍㷫的姐仔，一度鎖定張頴康為目標。男人圈有云:「有得食唔食，罪大惡極。」出埠開工如同無王管，但張頴康卻寧背上「笨實」罪名，都要拒絕誘惑，成為當時劇組佳話。麥雅緻:佢會介紹晒女拍檔畀我識
麥雅緻:佢會介紹晒女拍檔畀我識
難怪結婚八年，能夠一直給予另一半高度信任，其妻麥雅緻回應壹仔時說:「每一次開工，其實佢都會同我講，嚟緊會拍咩嘢，我亦好相信佢，因為我同佢嘅女對手，不論係之前嘅馮盈盈抑或阿Moon(劉佩玥)，佢都會介紹畀我都識，所以我對佢好放心。況且我唔需要特別過問，佢每日都自動自覺同我分享拍攝情況。」打成一片
打成一片
不但主動將女對手介紹給另一半認識後，更任由她們互相聯絡。麥雅緻說:「佢拍《逆天奇案》時仲未有疫情，所以佢約晒一班演員返嚟屋企，類似搞一個大食會，然後介紹佢哋俾我認識，所以對於佢嘅親熱戲對手，任何一個女拍檔都好熟，仲同佢哋成為朋友，我係非常放心。」真係監場都慳番。
睇返IG，麥雅緻對兩位同老公張頴康肉搏過的親熱戲對手馮盈盈、劉佩玥均打成一片， 就連一助老友陳自瑤，出戰配音節目《好聲好氣》，張頴康都請對方到其家中練習，老婆在場，最好不過
手機畀老婆隨時任睇
手機畀老婆隨時任睇 無出軌意圖，男人自然不介意有透明度，麥雅緻稱，兩公婆從來都可以互睇對方手機。
「因為我哋都知道對方手機密碼，可以好隨意就攞嚟睇，所以唔會有咩嘢秘密。」
十個藝人偷食，九個都賴唔識抽身，戲假情真，至於寵妻有道的張頴康，亦有一套防預機制，幫自己抽離角色，不以任何為籍口。
「我老公都有個習慣，就係拍咗咀戲，返到屋企之後，佢一定會先錫我，因為會覺得錫過邊個(女演員)，返到屋企一定要先錫番老婆。」就連財政，他都自動波交由老婆掌管，給伴侶100%安心。
雙親遺棄渴求完整家庭 自小在破碎家庭成大的張頴康，極渴望有個美滿婚姻。四歲那年，母親出走，自此音訊全無，十歲時候，爸爸返內地另娶，父子關係疏離。雙親遺棄的傷痕，令他年輕時性格變得沉默寡言，就算事隔多年，再被追問，堂堂鐵漢的他，依然一碰落淚。
直至遇到太太麥雅緻，與他一起組織溫暖家庭，張頴康才逐漸變得開朗，對婚姻特別重視同珍惜。
----------------------------
和你壹起撐住香港主題海報 全港良心商戶免費派發
了解更多
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
來源 source: http://nextplus.nextmedia.com
|
鍾意就快D Share啦！
|
|
|