藝人林穎彤（Bella）同家境富裕嘅伍富橋去年10月分手，兼互相取消關注社交網，一度引起熱話，Bella曾公開表示已經同伍富橋再冇聯絡。但經過大半年嘅冷靜期，據知2人近日秘密翻撻。
Bella曾經與小生黃宗澤傳過緋聞，之後又同無綫藝人容天佑拍拖，2人分手後，Bella前年就同伍富橋拍拖，可是到去年底就傳出佢哋分手，有傳伍富橋同《Think Big天地》主持人陳嘉慧過從甚密，令Bella嬲爆，所以提出分手。
不過，有傳Bella同伍富橋已冰釋前嫌，2人之前為新劇《十月初五的月光》拍攝外景，伍富橋出動靚車管接送，而2人在劇中都係演情侶，可以寓工作於拍拖。其實早前劇集記者會時，Bella明顯對分手一事轉口風，話打算拍完套劇，就會重新follow伍富橋社交網，仲話畀時間大家再了解一下。不過Bella回覆東網否認翻撻：「絕對無咁嘅事，係同事關係。（話佢車你出入？）唔係車出車入啊，只係拍劇同車到拍攝場地，拍完劇已無聯絡。」舊情不再。
來源 source: http://hk.on.cc
|
鍾意就快D Share啦！
|
|
|
