曾奪得《中國電影金雞獎》「最佳女配角」嘅內地女星王珞丹，至今拍過66部影視作品，稱得上係高產量兼有人氣嘅女演員，佢開直播同網民互動時，有人見佢近期少作品面世，就多口問佢係咪諗住退出娛圈，點知佢就爽快兼肯定咁答：「是的！」消息一出即時登上熱搜榜！
現年37歲嘅王珞丹曾經被評為「80後四小花旦之一」，原本前途一片光明兼工作不斷，但係唔知點解，佢參與嘅作品爆紅，但係佢就冇乜聲勢，呢種網民戲稱為「劇紅人不紅」嘅特質，搞到佢近年工作量愈嚟愈少，難怪有網民喺直播中話：「除了演戲的時候，你就是個透明人，消失得無影無蹤。」
正當一班網民熱討嘅時候，其工作室火速發文闢謠：「想得美，讀你的劇本去！帳號沒收1個星期（小黑屋反省））。」呢段發文直接否認咗王珞丹退出娛樂圈一事，仲明示佢將會有新劇推出。
來源 source: http://hk.on.cc
|
鍾意就快D Share啦！
|
|
|