Edan@MIRROR疑被舊愛爆出軌 瘋傳撩女SP對話 最新開腔沒否認指控：希望大家畀空間
- 發布日期：2021-05-26 00:01
已複製
MIRROR成員呂爵安（Edan）向來以乖乖仔形象示人，近日傳出被前女友爆出軌，對方更在ig控訴：「戴完帽唔會想理佢感受！」事件在網上發酵後，他更被網民大爆撩女做SP（性伴），亦有人懷疑無藍剔舊頭像截圖的真偽。今午Edan終於對事件表態，他沒否認網民的指控，但希望大家給空間事件中的人。
港大工商管理系畢業、鋼琴8級的Edan高大靚仔，今年推出的新歌《E先生 連環不幸事件》頗受歡迎，24歲的他備受Viu力捧，向來被視為暖男，但昨日卻傳出「是非」。
事緣疑似是Edan大學舊愛Stephanie在ig發文，宣布被求婚，但有人在她的訂婚照片下留言，認為Edan會替她開心，並hashtag了Edan的ig帳號，但Stephanie卻毫不留情回覆：「不如尊重埋我，其實戴完帽（指被出軌）都唔會想理佢感受。」
Stephanie的回應流出後，她便刪走該留言，似乎想保持低調。
網民發現，二人初分手時，在ig story的留言顯示關係友好，明顯是和平分手，彼此有祝福對方。
但過了一段時間，Stephanie態度大變，不時在ig指責Edan，更暗示疑似Edan出軌，因此她才選擇結束關係，同時反駁不知情的網民。
女方強調從沒有匿名說過Edan半句不是，自言從來也行得正企得正，不怕網民聲討，言詞間頗為委屈。而她早已unfollow Edan的ig，反而Edan及胞妹卻仍然追蹤女方的ig。
- Stephanie是索女一名。
事件在網上愈鬧愈大，討論區上有不少自稱是Edan大學同學的網民紛紛爆料，力指Edan在大學時已經不受歡迎。
同時有網民指Stephanie跟Edan分手後，大受打擊，患上情緒病，後來遇上現在的未婚夫才重新相信愛情。
網民留言：「成間hall其實都知Edan出軌，但之前大家都唔爆佢出嚟，保護下佢聲譽，但而家見到咁多護住犬鬧個女仔真係有啲嬲。」、「雖然Edan真係好正，但俾帽人戴就衰仔，個女仔咁靚都出軌，好彩個女仔揾到真命天子，呂爵安你走寶了」。
撩SP留言被質疑真偽
撩SP留言被質疑真偽 有網民更上載截圖，聲稱是Edan撩他朋友做SP的對話，內容相當露骨，但不知真偽。圖中頭像顯示是昔日ig，現今Edan已換了另一個頭像，同時沒藍剔，如內容屬實，疑似是走紅前的事。
對於被質疑造假，截圖又裁走女方資料，該網民留言：「無圖又嘈有圖又嘈，Edan有覆我朋友（ig）story，露咗我朋友個樣，如果唔crop，咁不如我直接畀朋友個ig大家睇好唔好？.......用正account都flirt到咁狼死......。」
不過Fans繼續撐Edan，留言：「唔重要，都過咗去」、「唔怕啦，MIRROR做咩都啱架」、「成名自然帶負累，年少輕狂邊個無？」。
似乎無損Edan形象，繼續受擁戴，果然是「刀槍不入」魅力男！
今午，Edan終於在限時動態留言，但沒否認網民的指控，只表示：「知道有關自己嘅事情被討論中，私人同過去嘅感情事我認為我唔應該作出任何澄清或回應，因為我唔希望會影響任何人。希望大家畀多啲空間事件中嘅人，停止對佢（or佢哋）嘅騷擾。我自己亦會繼續專注喺我嘅工作上，感謝大家。」
而Stephanie則在Edan「現身」後，火速發文回應：「要講嘅佢講曬，其實各自開始咗新生活，唔希望再有人專登嚟提起，未來見一個del一個。」 ![Edan今午終於表態。]()
- Edan今午終於表態。
![Edan在Mirror中，是最全面的一位，能唱能奏能演能跳。]()
- Edan在Mirror中，是最全面的一位，能唱能奏能演能跳。
![去年在Viu劇《男排女將》有不錯表現。]()
- 去年在Viu劇《男排女將》有不錯表現。
![之後獲欽點拍Viu另一重頭，改編日劇《大叔的愛》，拍住黃德斌。]()
- 之後獲欽點拍Viu另一重頭，改編日劇《大叔的愛》，拍住黃德斌。
----------------------------
和你壹起撐住香港主題海報 全港良心商戶免費派發
了解更多
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
- Edan今午終於表態。
- Edan在Mirror中，是最全面的一位，能唱能奏能演能跳。
- 去年在Viu劇《男排女將》有不錯表現。
- 之後獲欽點拍Viu另一重頭，改編日劇《大叔的愛》，拍住黃德斌。
來源 source: http://nextplus.nextmedia.com
|
鍾意就快D Share啦！
|
|
|