2021年5月2日星期日

睇劇引發戲癮汪琳等子女長大復出做甘草 #汪琳

睇劇引發戲癮汪琳等子女長大復出做甘草

汪琳自誕下兒子後，未有出席過公開活動，今日難得一家四口現身。

汪琳與老公張忠弦帶同9歲長女Kesha和近3歲幼子Lewie出席跳舞學校開幕禮，汪琳表示自誕下兒子後，未有出席過公開活動，但有時收看劇集也會引發戲癮，令她想返起當年拍戲的日子，不過照顧子女是她人生最大的目標。她說：「我覺得這個時段陪伴子女成長好珍貴，子女日後長大拍拖不要我時，我可以出來做甘草演員，但依家兒子仲細，想陪他多幾年先。」

汪琳笑言發現男生會特別曳，若然首胎生男生的話，一定不會再生B，反而長女很乖巧，幸好有長女幫手照顧幼子。她說：「如果無女兒幫手真係唔得呀！疫情下成日響屋企，好彩女兒陪細仔，男仔太活躍好驚佢會撞親。」問到可會再追生女？她說：「唔好，夠咁樣會阻礙我將來的甘草計劃。」談到快將母親節，她表示經已訂枱吃飯慶祝，又認為疫情下可外出吃飯已很開心。至於會送甚麼母親節禮物給媽媽？在旁的Kesha表示秘密。