2021年5月16日星期日

【找數大挑戰】Po樣衰相呃十萬Like 阿Dee即發佈『DeeGor版』《行動綱領》

就係呢張樣衰相，阿Dee希望吸到十萬Like，目前得兩萬幾，和你Like嘞喂。

《ERROR自肥企画》播出以來大受歡迎，節目見街翌日有關花絮必被洗版，後街男孩MV仲講緊㗎。繼梁業（肥仔）及吳保錡「找數」獻唱主題曲《無制限OT編集團の行動綱領》後，何啟華（阿Dee）剛亦在社交網上載花絮照片說：「找數大挑戰！傳說醜樣嘅相比較易呃Like，如果呢張相可以喺IG呃到十萬like，我就發佈『DeeGor版』自肥企画主題曲《無制限OT編集団の行動綱領》！」連「格仔導演」Mike亦留言「推Po」說：「加多10吓死亡行星，大家動力應該會大啲！」

網友亦紛紛留言希望擁有「天籟之音」的郭嘉駿（193）接力「找數」，甚至要求Mike導與ERROR上《Chill Club》獻唱，皆因前者曾承諾若MV在《自肥企画》結局時達到150萬次點擊率，將會為觀眾送上驚喜，而節目尚有一星期便完結，MV目前的點擊率已達120萬次，要突破150萬大關唔難吖，做嘢呀各位！