【日本女YouTuber】近年越嚟越多人想做網紅，特別喺日本嘅市場競爭可以話好大，唔同人想突圍而出，都搞盡腦汁做出爆趣或吸睛嘅事情。其中一樣就係「唔露面」拍片，例如衣著上性感一啲，然後砌吓模型、彈吓琴，又或者唱吓歌仔，正正唔會露面嘅關係，就畀咗唔少幻想空間畀觀眾，腦補到底豐滿身材嘅上面會係幾靚女呢！真真假假，假假真真，最近就有位標榜性感嘅運動YouTuber決定露真身，知道真身好，一直丁佢嘅男粉絲個個都大跌眼鏡！
撰文：馬高斯 ｜圖片來源：むね肉ちはるYouTube 、IG｜編輯：海月
唔露面上圍豐滿日本女YouTuber公開真身
呢位日本標榜性感嘅運動YouTuber「千春（むね肉ちはる）」，平時拍片都會戴上口罩先出鏡，畫面嘅焦點主要落喺豐滿嘅上圍度，不時慢跑或跳蠅等運動片段，簡直係波濤胸湧！拍片過程中，千春甚少會開聲說話，其中一條影片嘅點擊率更高達20萬次！
不過早前，剛好頻道突破2萬人訂閱，千春決定自爆真身，原來係一位37歲大叔，影片一出相信嚇壞唔少粉絲。千春喺片中提及到男扮女拍片嘅原由，係因為公司受疫情影響，導致公司員工大幅減薪，於是萌生出辭職投身到YouTube界發展嘅念頭。
另外亦都有提到，最初拍片係瞞住老婆進行，無諗過影片推出後會咁大迴響，越嚟越多人睇，佢亦都唔希望支持者有被呃感覺，所以決定公開男兒身真相。
公開真身之後嘅幾段影片中，佢即場介紹自己男扮女裝嘅變身過程，以及變身用到嘅道具、所需資金等等，至於頭像同埋部份有樣嘅相，就用Face App去大變身！公開真相後，佢嘅YouTube訂閱人數由2萬大幅下滑到1.85萬，不過唔少支持者覺得佢男扮女嘅賣點相當有趣，決定繼續留低。
來源 source: http://www.nmplus.hk
|
鍾意就快D Share啦！
|
|
|
