努力洗底、揚言重新出發的歌手許志安，上月飛抵台灣拍攝台劇《接招吧！製作人》，該劇由12個單元串連成故事，安仔是其中一個單元的主角，因為台灣疫情反彈，他今日提前乘早機返港，中午12時抵港，隨即接受14天家居檢疫。安仔今日接受東網訪問，他說：「今日返嚟過程都好順利，機場冇乜人，我用咗個幾、兩個鐘就搞掂晒。」
安仔透露因為台灣疫情開始緊張，導演擔心他的行程有影響，所以特意將他的戲份提前拍攝，讓他可以早點回港，他說：「我啲戲份冇少嘅，都係拍咗咁多日，只係提前趕拍晒我啲戲，因為有乜事，台灣演出嘅藝人可以諗方法拍埋落去，本來我係過兩日先返。」在台灣拍劇期間，他除了到片場或拍攝場地，基本都沒有出街，他說：「每日拍完就換衫返酒店，然後叫嘢食，差不多日日都係咁。」此行，他亦灌錄了劇集歌曲，他說：「今次拍台劇吸引之處，係每個單元都有主題曲，我首歌由候選金曲獎最佳填詞人黃婷做音樂導演，我都有恭喜佢呀。」另外，近期愛上攝影的他，在當地見到美景亦有拍下留影。
來源 source: http://hk.on.cc
|
鍾意就快D Share啦！
|
|
|
