2021年6月21日星期一

主動提出父親節處男謝票謝賢希望明年問鼎金像獎 #謝賢 #金像獎

主動提出父親節處男謝票謝賢希望明年問鼎金像獎

四哥首次到戲院謝票，大受歡迎。

謝賢（四哥）主演的新片《殺出個黃昏》在過去兩周舉近5場優先場，反應熱烈，作為男主角的四角有見及此，於昨日父親節與監製林家棟、導演高子彬到戲院謝票，處男下海的四哥獲影迷舉手幅迎接，全場觀眾興奮拍掌歡呼。

四哥於謝票後接受電影公司訪問，稱掌聲是屬於大家的。他說：「好多影迷由細睇到我大，睇到我今時今日，多謝佢哋嘅擁抱。」被問到這部電影跟很多新生代演員合作，有代溝嗎？四哥笑言：「我仲後生過佢哋，真係㗎！我做啲嘢佢地唔敢做㗎，有時講笑呀，講嘢失禮啲，佢哋唔敢㗎你知唔知？佢哋見到我好似一個老師咁，所以我真係好錫佢哋㗎。」他更大爆是次拍攝未有教新演員演戲：「呢啲冇得教㗎，我做咗電影咁耐，演技係發自內心，呢個係我咁多年嘅經驗。因為我一世人未做過其他嘢，淨係做電影！」

談到今次演出為「孫女」鍾雪瑩既出拳頭又出眼淚，令觀眾大受感動，問到可有信心問鼎來年金像獎？四哥謙虛回答：「我都希望，睇吓點樣動啲腦筋攞個獎返嚟！」四哥指最意想不到電影在拍竣年半後，終於在大銀幕上映，更笑說：「仲以為家棟飛起咗我，算佢」

導演高子彬表示第一次見四哥已被其氣場所震懾；家棟則爆於父親節到戲院謝票是四哥提出，所以他和演都開心奉陪。