陳自瑤太緊張失準。
無綫全新節目《識貨》今晚（21日）推出，除了由鄭裕玲帶領兩名小鮮肉鄭衍峰及孔德賢當主持外，8位「見習主播」陳自瑤（YoYo）、黎諾懿、陳嘉佳、何遠東、黃建東及蔡國威等於節目內「考天才波」，於完全沒有劇本下，靠自己急才及轉數推銷貨品。
早前在《好聲好戲》中奪冠的YoYo被安排壓軸出場，由於太緊張搞到全程騰騰震，亦未能在限時內完成完整的推銷，結果遭顧客代表狠批：「真係成分鐘都唔知你賣乜，平時見到咁我係會『碌』走你。」商家團則形容YoYo「沉悶」。YoYo聞得批評後隨即淚灑人前，返回後台亦繼續崩潰爆喊兼自責：「我真係做得好差，我諗我好多年都冇嗰種挫敗感。唔係我強項，真係唔知點算，對自己好失望。」鄭裕玲即出言安慰。
各出奇招
另外，一眾藝人為了爭取晉級可謂各出奇招，黃建東着「西瓜裝」賣西瓜、何遠東利用身形及背景優勢搶灘，黎諾懿及陳嘉佳則不約而同大減價「以本傷人」，搞笑是陳嘉佳自恃有「津貼」以超特惠價50港元賣出大批花膠，結果駭然發現自己倒蝕4千港元，蝦碌場面令人忍俊不禁。
來源 source: http://hk.on.cc
|
鍾意就快D Share啦！
|
|
|
