視帝馬國明現時不停於內地做商演搵真銀，相當開心，而他與岑麗香主演的無綫劇集《寶寶大過天》已安排接《逆天奇案》檔期，於6月14日起在翡翠台首播。劇中除了二人，還有近排甚具人氣好聲又好戲的陳自瑤、張頴康、吳業坤等演出。
不過，由於馬國明於劇集播映及宣傳期間仍於內地工作中，故未能返港宣傳，他接受東網訪問時謂：「係呀！我做緊啲商演呀！之前喺深圳隔離完，跟住去咗廈門，依家就喺橫店，我月頭同尾都有活動要喺呢度出席，返唔到嚟宣傳，其實我都未知幾時返到嚟，因為接到嘢都會繼續接，未知幾時返到嚟，上嚟之前又唔知套劇出，我都係尋日先收到通知套劇會出，如果唔係我可以拍定啲片宣傳，之後可能自己喺社交網出力宣傳吓」馬國明之前劇接劇，一直都未有機會出外「搵真銀」，依家終於機會嚟喇！
來源 source: http://hk.on.cc
|
鍾意就快D Share啦！
|
|
|
