即上歐國盃專頁，每日重心提供盡在《彩報》：https://win.on.cc/
葡萄牙球星C朗拿度一直對自己嘅身體都好有要求，要KEEP住靚身形之外，對飲食都好嚴格，堅持每日都要有健康餐單，佢日前出席賽前記招就完全唔畀面飲品贊助可口可樂，公然將面前嘅兩支可樂移開，更舉起枱面嘅礦泉水示意大家：飲水！
想睇下C朗呢個「型爆」舉動，即去片https://bit.ly/3vtojJk
葡萄牙周三（16日）凌晨零時於歐國盃F組首輪會對住匈牙利，C朗出席賽前記招會，步入房間眼見枱上嘅擺設已經「黑晒面」，跟住坐低望咗幾眼，將面前嘅兩支可樂移走，遠離自己嘅範圍，然後更舉起枱面嘅礦泉水高呼「飲水」。要知道可樂係今屆比賽嘅指定贊助商，但C朗對此絕不賣帳，因為佢覺得係唔健康，所以唔想被影到而作為宣傳。
C朗呢個舉動其實都唔太意外，佢對飲食嘅堅持同要求好有原則，但呢個行為可能會遭歐洲足協處罰，據《馬卡報》透露，由於可樂係今屆歐國盃嘅官方贊助商，C朗呢個做法可能會被罰。
講開C朗嘅飲食，佢早前公開過自己一日六餐，而且食得好清兼且要有營養，對囝囝同樣都有要求，早年10歲嘅兒子曾經食過薯片同飲可樂，C朗相當不滿，「我個仔將來可能會係偉大嘅足球員，大家可以拭目以待；有時佢飲汽水同食薯片，佢知會激嬲我，有時我都會提佢跑步後要浸一浸冰水；當然無問題，佢依家只係一個10歲嘅孩子。」這位36歲球星對囝囝都同樣有要求，點解佢依家仲咁弗，或者呢啲都係背後嘅原因！
來源 source: http://hk.on.cc
|
鍾意就快D Share啦！
|
|
|