「細龍太」陳偉琪自被飛出《愛．回家之開心速遞》劇組，以及離開無綫後，冇嘢做一身輕，即飛到歐洲旅行，現身在斯洛文尼亞嘅佢，先前玩男友視角，背着鏡頭不斷向前跑，令網友跪求正面照。陳偉琪聽到大家嘅聲音，唔只晒正面畀你睇，仲表演含蕉技術，睇到唔少宅男扯...白旗投降。
佢喺社交網晒喺沙灘着住比堅尼嘅短片，不過佢嘅34E導彈上圍做唔到焦點，皆因佢表演含蕉實在太過吸睛，只見佢手勢純熟咁剝蕉皮，一雙巧手將蕉皮由上而下剝落嚟，臨含蕉一刻，個樣充滿期盼，之後就張開嘴巴，好滋味咁一啖含落去。吔完蕉仲未夠，佢竟然攞蕉皮嚟搽面護膚，邊夠你玩，難怪去到片尾出現彩蛋，有位洋妞經過，都為之側目。
陳偉琪又向網民留言問：「香蕉皮，可以幫助去除或減少臉上的雀斑嗎？ （請評論並分享您的經驗）」不過網民似乎唔係好理會蕉皮係咪可以去雀斑，反而有人問：「到底點先可以練成世界級含蕉技術？」、「如果奧運有含蕉項目，實攞金牌」
本文作轉載及備份之用 來源 source: http://hk.on.cc
|
鍾意就快D Share啦！
|
|
|