藝人簡淑兒（Jessica）到動漫節出席「myTV Gold·Ani-One 新番動漫5周年慶典」，講到日前她與男友麥大力度過拍拖的首個生日，又獲對方教揸飛機，她一開始怕醜避忌謂：「陳婉衡同我搞咗個生日會，請咗我啲朋友、家姐嚟。（麥大力有冇份去？）好多人都有去。（咁即係有冇？）都有。（已經融入家中？）大家一齊玩。」
講到男友教她揸飛機，她說：「其實嗰個地方個個都去得。」但講到對方特地帶她去，她即冧笑謂：「都係。（呢份係佢送畀你嘅生日禮物？）都係。（冇其他禮物？）唔使其他禮物，其實我哋相處好簡單，由朋友開始一步一步嚟，唔使太多花臣。（你受落呢套？）其實我哋生活習慣好似，唔使刻意做咩去討好對方，普通相處已經好開心。」講到兩人咁夾，何時結婚？她即笑言：「我哋一齊咗2個月咋。（可以閃婚？）唔會，我哋都係做嘢為先，唔想因為拍拖令大家忽略咗我哋嘅工作，依家搏殺緊，做嘢緊要。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|