近期憑劇集《大叔的愛》飾演花弗男Louis引起網民注意嘅MIRROR成員Stanley（邱士縉），帶挈女友Alina（李炘頤，原名李靜蓮）人氣急升！雖然名花有主，但樣靚身材正嘅佢冇因為咁而收埋副Body，喺社交網大晒水着相，大玩中空誘惑，雖然冇咩睇頭，但一對長腿及玉背非常吸睛，不過Stanley竟大膽留言：「長腿姨姨你好嗎？」而Alina好狠咁回覆：「你的PS5嫌命長嗎？」即時令到Stanley收口兼消失！
而憑《3日2夜》上位嘅「34C咪神」鄧伊婷同樣晒出喺遊艇上影嘅泳衣照，但相當「胸」狠，露出3吋事業線，加埋啲光線，成個女神咁呀！出名身材高挑嘅鄭希怡雖然育有一女，但身材冇走樣，佢出海曬太陽時拍下影片大玩舊時嘅對嘴MV，又高炒自拍晒微波，不過就相對保守着上外套遮身！
而陸浩明女友陳詩欣（Ayan）亦有喺社交網分享靚相，身穿橙色泳衣嘅佢坐喺泳池邊大騷白滑長腿，其中一張佢仲對住鏡頭單眼放電，不過睇番啲相，佢全部都係側身影相，睇嚟佢都係好鍾意用呢個角度去展現佢嘅長腿。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
