向吳卓羲請教keep fit方法 劉心悠為新戲增磅現粗壯手臂
劉心悠、吳卓羲（Ron）、郭羨妮等昨晚在旺角出席電影《女人街，再見了》首映活動，心悠和Ron巧合以牛仔布配白衫示人，笑言事前沒夾過，電影拍畢這幾年都沒有聯絡。提到電影是已故前輩廖啟智的遺作之一，心悠表示與智叔對手戲較少，而Ron與智叔曾在TVB及《拆彈專家》合作，今次是最多機會同場的一次，他說：「現場睇智叔演戲好正，特別係激動戲睇到毛管戙，佢係一座寶庫，喺鏡頭後能偷（師）幾多就幾多，我都想請教佢，但智叔會話『你得㗎』我知道佢好多時都有睇住我哋呢班後輩。」
心悠明顯發福，連手臂亦變粗，她臉紅紅說：「最近大家都係咁講。」原來她正為電影增肌，由以住的40多kg，現在已是5字頭，她說：「我要增加食量，之後再減脂，希望重量都係肌肉，唔好變得更大隻。」她即場向拍檔請教Keep fit方法，Ron笑言忙到無得瞓便是最好方法。
41歲的Ron近被讚保養得宜，成為網上討論熱話，他說：「多謝大家稱讚，我都有注意飲食，少食澱粉，食得太飽上鏡反而唔精神。」心悠亦有信心將來可以回復到4字頭體態，豪言減重比增磅易，但現時肥了也會影響自信，因為有些地方連衣服都遮不住，着衫會更小心。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
