2021年7月17日星期六

【頭條獨家】曾收8毫子糧單珍惜機會關嘉敏唔拍拖要做全能演員 #關嘉敏

曾收8毫子糧單珍惜機會關嘉敏唔拍拖要做全能演員

關嘉敏成為TVB藝人後一啲都唔錫身，之前爭取做女拳王，最近再挑戰《盛・舞者》。

女子組合Bingo隊長，26歲嘅關嘉敏(Carman)被TVB羅致成為旗下藝人，之前Carman為咗爭取做女拳王一啲都唔錫身，喺《明星運動會前哨戰：Fight盡》練習時食李君妍重拳，頭暈倒地爆喊。最近她再下一城挑戰TVB舞蹈比賽真人騷《盛・舞者》，期望能跳出個未來！採訪：方騫平攝影：譚壹致髮型：Don 場地：Teddy Boy Cafe友情歲月古惑仔漫畫主題冰室

關嘉敏初出道時曾經捱過窮，收過8毫子糧單，因為咁學會把握每個機會，由於《Fight盡》跟《盛・舞者》同時舉行，成個6月都非常忙碌，朝早練拳，夜晚排舞：「有時排到凌晨4點真係好攰，我喺的士度望出去反問自已『點解要畀人打？』眼淚就好自然咁流落嚟，尤其練習時中咗李君妍重拳暈倒，師傅仲嚇我話『係咪打甩咗棚牙？』當時真係驚到忍唔住淚崩，好靠意智力先頂得住，不過成為女拳王後又覺得辛苦係值得，我未試過上擂台，其實都Enjoy嘅。」

同CY只係朋友

雖然自細學中國舞，但Carman參加《盛・舞者》都覺得有難度，因為出道後先開始接觸街舞：「靠不停咁自我鼓勵，都捱到進入最後一round對決，真係好感動，原來關嘉敏意志幾強，我對自己有啲驚喜，原來我好捱得㗎！」未來她最想挑戰全能演員，最好似楊紫瓊咁做打女！問到緋聞男友CY（陳澤言）可有鼓勵她？Carman坦言𠵱家太忙了，稍後又拍劇，感情事唔諗住！總之盡她能力做得幾多得幾多，𠵱家大家係朋友。