由無綫舉行嘅《明星運動會》尋晚（4日）播出最新一集，當中播出羽毛球、乒乓球、射箭、籃球及拳擊賽事，而其中一幕嘅射箭比賽中意外引起網民注意！參加射箭嘅有李芷晴、羅毓儀、郭柏妍、鞏姿希等女藝人，佢哋都相當專心同落力，而身為無綫高層嘅曾志偉都有到場支持，並不時拍手打氣！
鞏姿希出戰時，眼見自己表現唔錯，以50分為總分，獲得42分時，開心到向場邊嘅曾志偉先舉起雙手拇指，再撒嬌大動作擺出心心甫士，點知被網民指佢充滿機心博上位，但都有人覺得佢只係向場邊所有人示好，唔係特別向曾志偉嘅！
鞏姿希係2018年落選港姐，加入無綫後擔任無綫娛樂新聞台主播，精通英、日、韓、粵語及普通話5種語言，身高1米76嘅佢擁有40吋長腿，喺社交網不時時性感相而俘虜不少宅男心！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
