女星張栢芝一向係稱職好媽媽，除咗照顧得3名仔仔妥妥當當，連買餸煮飯都絕不假手於工人姐姐，凡事親力親為。今朝晨咁早7點未夠已到街市買餸，仲直擊購物過程，彷彿置身於現場同佢一齊買餸。佢分享喺度買嘢比超市平，就連調味料都會格價，絕對係精明眼。有老闆娘認得出栢芝，仲想送贈品畀佢，但佢未有接受。栢芝除咗係廿四孝媽媽，仲係好僱主，每次去街市都會出錢畀工人姐姐到菲律賓雜貨店任買心頭好，咁好嘅Mum邊度搵？佢透露買餸能令佢心情放鬆，有煩惱都拋諸腦後。
栢芝除咗係稱職好媽媽，打理自家時裝品牌亦搞得有聲有色，呢日更搵嚟二仔Quintus幫手宣傳，咪見佢人仔細細，佢遺傳媽媽精明頭腦，Sell起貨上嚟有板有眼，獲栢芝大讚好聰明呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
