前港姐亞軍周家蔚尋日（25日）生日，除咗獲「七魔女」祝賀，同屆2006年港姐冠軍陳茵媺都有幫佢慶祝生日，當中仲有另一壽星女，就係「失蹤人口」當年冇加入娛圈嘅同屆另一佳麗謝穎珊！陳茵媺為兩人各準備花束及蛋糕，齊齊喺酒店食好嘢，令周家蔚發文多謝佢嘅款待，表示對方寵壞佢哋喇，又憶起當年選美時互相幫助同支持嘅點滴，如今大家都已成為人母了！
陳茵媺都有上載照片，並留言大家都好忙，不過好在大家可以抽時間見面，重點係冇小朋友，可以姊妹淘一番，最後佢就祝福兩人身體健康，永遠幸福！網民都大讚3個女人15年如1日，美貌不變零走樣，而當中謝穎珊雖然唔使做幕前，但都Keep得好好，非常省鏡！
另外，早前已返港同老婆周家蔚及仔仔團聚嘅洪天明，就為老婆炮製愛心龍蝦包，喺屋企齊齊食大餐，簡單又有心思，非常溫馨！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
