2021年8月3日星期二

囡囡出世未夠百日已訂終身　余香凝睇中鄧穎堯細仔做女婿 #余香凝

囡囡出世未夠百日已訂終身　余香凝睇中鄧穎堯細仔做女婿

鄧穎為細仔搞百日宴，余香凝全家出席。

余香凝（Jennifer）今年5月為老公陸政渡（Tim）誕下女兒Clare，今個月底囡囡便出世一百日，未知她會否為Clare搞百日宴。不過與Jennifer差不多時間生仔的組合Super Girls師妹、模特兒鄧穎堯（Yoyo），4月時為老公誕下細仔Andreas，湊成一個「好」字，她就為囝囝舉行百日宴，老友鬼鬼的Jennifer一家三口到場，陳詩欣也與老公到賀。

Jennifer今日在社交網上載數張照片，兩個BB似乎延續媽咪的好感情，坐在一起時，Clare靠在Andreas的身上，有如一對小情侶，Jennifer看到兩個小朋友可愛的表現，外母上身般公開認女婿：「對我個女好啲呀！知唔知。」她又在眾人的大合照留言：「差咁啲嘢，我相信喺不久嘅將來」，似是已認定未來女婿。Super Girls成員蔡明思（Jessica）也配合Jennifer搞笑留言：「佢哋有父妻相！」