王敏奕想學電單車。
藝人王敏奕出席《把關者們》宣傳活動。她表示近日忙於拍攝另一新劇《法證先鋒V》，戲中與黃宗澤展開感情線外，更有機會體驗揸電單車的滋味：「雖然我係扮揸啫，但終於明白點解咁多人鍾意，感覺好似滑雪咁，都有衝動想去學。（老公曾國祥畀嗎？）佢可能唔得，我同阿媽講佢都好驚，不過喺香港揸電單車最好係夜晚兜風，感覺好爽。」
她又透露曾國祥自7月開始已身在英國：「佢拍緊外國劇，可能仲有3、4個月都未返，都幾羨慕佢好似去咗旅行咁，有時佢都會周圍去睇景。（唔過去探佢？）唔得，因為我有工作，依家都係視像保持聯絡。（嗰邊疫情嚴重喎。）英國係另一種防疫措施，大家好似自由啲，香港即使零確診，大家嘅防疫意識都仲好高，總之唔好放鬆啦。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
