前港姐朱千雪出席品牌活動，笑言很久沒打扮靚靚出席公開活動，她說：「每次出活動都要同律師樓同經理人夾時間，好彩未打得成風，仲可以出嚟見吓大家。」問到之後可會再拍劇？她表示：「拍劇始終時間長，難就時間。（上啲綜藝節目呢？）要由公司安排，但冇乜人邀請，睇吓有冇機會，哈哈。」
講到近日與坐完月的好姊妹岑杏賢（Jennifer）慶生，她說：「係呀，佢坐完月就可以出嚟，不過我仲未探過BB，但有睇過啲相。其實我都唔好意思，佢係我第一個好熟嘅朋友生咗BB，但我都唔知身為朋友可以做啲乜，唔知坐月係咪可以去探佢，所以遲啲都會買番禮物送畀BB。」
問到何時到她生BB？她笑言：「順其自然啦，不過有朋友生咗有經驗，第時都可以多個人問吓。（叫Jennifer過兩招？）佢都有叫我快啲生，第時小朋友可以一齊玩，但要等等先。（你要同老公夾時間？）順其自然，始終兩個都忙，而我又有兩邊，同埋都幾enjoy二人世界，我哋結婚兩年啫。（依家不設防？）順其自然啦，主要工作行先，好彩長輩都冇畀壓力。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
