軒仔任《空肚講宵夜》嘉賓 分享「遮遮」暗黑食品嚇親主持人
張敬軒（軒仔）近日擔任ViuTV節目《空肚講宵夜》特別嘉賓，仲帶埋因為佢而出咗名的外傭「遮遮」的日常小菜給三位主持梁祖堯、BabyJohn（蔡瀚億）和陳俞希（Hailey）品嚐，當中有曾是軒仔每日正餐的「原味道米粉」和白粥，米粉的湯底就是用來烚菜的湯水，而白粥的質地更非常竭身，令三位主持哭笑不得。軒仔笑言曾經十分忐忑，亦嘗試同「遮遮」溝通：「第一兩次佢就『Ok Sir』，但佢試完新嘢之後，我覺得都係唔好喇，都係做返基本嘢最好！」他又指「遮遮」不知是否因為金牛座的關係，個性頗為固執，就算溝通過後都會先堅持自己的做法。
問到「遮遮」平時會煮咩畀自己食？軒仔分享「遮遮」別具風味的家鄉菜式：「佢會擺到啲大蕉熟到有黑點然後搵水煮，我見到佢無啦啦開爐煮嘢食，以為佢煮畀我食，就行埋去問吓煮緊咩呀?佢就話呢個係菲律賓嘅傳統甜品。」又指「遮遮」會成條香蕉連皮一齊用滾水煮，令三位主持非常驚訝。
此外，談到早前與黎明合作，軒仔大讚對方會照顧自己感受相當細心，還指黎明聽到第一版錄音後，三更半夜按照軒仔錄音的部分，再親自調整其本人的部分，更貼心地再問軒仔意見，令他覺得好窩心。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
