將眾多特技人背後辛酸及拚命故事，集結成紀錄電影的《龍虎武師》今晚（12日）舉行首映，多位業界演員雲集。監製之一的錢嘉樂坦言對票房數字並沒有壓力，他説：「本身一位內地製作人想以龍虎武師作題材拍電影，咁我提議不如用紀錄片形式拍，因為唔係用商業形式去拍，所以好多大哥都肯出嚟，好多謝導演同埋咁多位大哥肯出嚟幫我完成呢個夢，好難得咁齊整。（但欠缺咗成龍？）其實佢親自拍咗條片畀我哋，但因涉及好複雜嘅肖像權問題，所以忍痛要剪走晒。」
他説也花了不少時間用於邀請方面：「多數都係我親自邀請，好似程小東佢未出過嚟做呢類嘢，都同佢傾咗成個鐘電話。」問他做武師多年有否周身傷患，他打趣說：「如果做到我哋呢個年紀都冇傷嘅話，即係話佢後生嗰陣『吞Pop』啦，哈哈！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
