藝人高鈞賢出席《廉政狙擊．黑幕》煞科宴，早前他被爆秘戀「億萬千金」兼35E導彈胸藝人吳玥彤，更為了吳玥彤回流香港發展。
高鈞賢表示感情是其中一個返港原因，承認去年與對方認識，相處不足一個月，確實互有好感，不過因為之後返大陸工作而短暫分開，自認年紀唔細，拍拖要諗清諗楚，但現時希望保持朋友關係，他說：「今次返嚟都想睇吓佢近況，我就快又返大陸，應該做朋友好啲。」又笑言現在朋友都叫他做「駙馬」，而他透露昨日才知道吳玥彤的背景：「佢係好女仔，不過我鍾意低調，鍾意搭港鐵。（覺得同佢係高攀？）唔好咁講，佢好好，佢食飯好遷就我。（唔一齊好可惜？）因為自己知道鍾意平民生活，鍾意食打冷、食茶記，佢好好，就算做唔成情侶都可以做朋友，愛情唔係一定要擁有。」又自認現時單身。
提到今次與吳卓羲合作，他自爆好多年前的趣事，當時他第一次與吳卓羲同場出席公開場合，他當時被保安誤認做吳卓羲，而吳卓羲竟將錯就錯，自認是高鈞賢，但2人當時並不認識，認為吳卓羲玩得又風趣。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
