▲新《還有48小時》MV於一座擁有私人泳池的大宅進行拍攝。
C AllStar四子完成紅館演唱會後，終於有新歌《還有48小時》登場，日前更於一座擁有私人泳池的大宅進行拍攝。MV依據四子喜好作為藍本，造就今次是C AllStar入行以來，最熱鬧、最大尺度、最多攬攬錫錫畫面的MV。
為迎合King的要求，MV導演將大宅客廳佈置成為派對房，身為大宅屋主的On仔，更為自己準備大量蛋捲。當日安排大班男男女女，一起跳舞狂歡，King負責現場打碟音樂，還有Jase要求的美酒，現場眾人情緒高漲，投入在瘋狂派對之內。
至於釗峰，他的要求是三子之中最特別。「雖然開心玩為主，但因為得48小時，背後其實件事好sad，我設定自己角色係好想有好多愛包圍，所以好瘋狂地好hunger需要愛。」
旁邊的On仔馬上幫口說：「釗峰終於說出重點，可能佢怕尷尬，等我幫佢講佢嘅要求，就係hug hug同Kiss kiss，其中三位男演員，仲要俾你kiss kiss唔同部位。」
希望在生命最後48小時得到最多的愛，導演在拍攝時，多次安排釗峰輪流飛撲攬實其餘三位拍檔，再送上深情一吻，滿足他hug hug同Kiss kiss兩大慾望。
派對下半場，眾人移師到屋外的私人泳池繼續狂歡，King更即慶跑到離地約三米高的屋頂，一躍跳進泳池，事後他說：「以前我喺兩米跳台，跳10次都跳唔到落嚟，其實差唔多要跳嘅時候，我身體叫我停，但我用我嘅意志跳出去。」
C AllStar四子回到屋內，更走到浴室位置，原來他們準備玉帛相見，一齊沖泡泡浴。因為要脫去上身衫，埋位前On仔努力做橡筋帶谷肌肉，釗峰亦無執輸，狂做掌上壓，Jace和King無需肌肉擔當，早已走到浴缸享受泡泡浴。
「我哋未試過有咁多肌膚之親，最親密只係幫對方按摩，私底下亦未試過一齊去游水，所以呢個MV，大家一定要留意。」C AllStar說。
同場加映：Anson Lo訪問
撰文 :TOPick柴犬出動
|
鍾意就快D Share啦！
|
|
|
