蔡嘉欣不忿被轟短髮似阿嬸： 咁憎我點解又要睇
2019年落選港姐蔡嘉欣從參選至今一向是非多多，因她不時在社交平台狂晒名車和名牌手袋，加上又有一個有錢男友，於是被網民指她「拜金」又愛「炫富」，不過嘉欣一於懶理，繼續過自己的生活！昨日（6日）嘉欣在IG與網民玩「你問我答」，有網民問：「追唔追求早瞓？」嘉欣大方地說：「我平時喺自己屋企係三、四點先瞓，I lOVE ME TIME.不過同我男朋友一齊嘅話，我係被迫遷就佢，要12點前瞓覺！」原來兩人已經過着半同居的生活。
後來有網民留言直指嘉欣：「短髮勁似阿嬸」，蔡嘉欣見到comment即嬲爆回覆：「其實你咁憎我點解又要睇我啲嘢呢？有得揀唔睇，點解都要睇呢？我啲嘢好好睇咩？」再有網民說：「人哋覺得似阿嬸都唔得？一定要讚你短髮好靚先得呀？」蔡嘉欣回應：「梗係得啦。重點係真係唔明點解嗰個人要多次特登用假AC嚟我同我家姐個IG罵吓我哋。特登login番自己個假AC，再特登search kayan.c，再特登開我啲post同story睇。睇完再留言或者Dm，步驟繁複都要繼續睇，好有恆心，畀個叻你。」
嘉欣一口氣再po出該名網民的其他留言：「賣埋晒啲毒藥喺度害人」、「EQ勁低，唔怪得之落選港姐」、「唔鍾意你就梗㗎啦，成日扮晒正面喺度教人做生意，眼中剩係得錢好嘔心」、「話你短頭髮唔好睇，又會即刻有人讚你個頭靚，假到呢，自尊心強唔接受負評」等。最後蔡嘉欣作出總結：「呢個世界真係咩人都有。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
