張慧儀早前出任關注兒童心臟病基金會的聯席主席，呼籲外界多關注病童，並表示將舉行慈善相展，透過多個故事主角的人像攝影，由「懷孕」到「長大成人」，呈現病童的成長經歷、心路歷程、內心矛盾。
當中更會展出她與愛兒Hanson的相片，母子情深非常溫馨：「其實阿仔都有少少怕醜嘅，所以叫佢入行拍嘢就唔好搞喇，但係呢次係慈善活動，我咪諗吓計仔氹佢亮相囉！其實可以母子檔做善事真係好特別，平時都冇咩機會咁影相，今次有著名攝影師操刀，慳番啲攝影費。」
慧儀榮升主席，笑言會與囝囝齊做義工可增進母子感情：「其實仔仔手術後，係奇迹康復得好，所以我都想佢知道要感恩，為社會付出，有機會都想一齊做義工，其實呢啲係『身教』。」受疫情影響，她坦言工作受影響，要深思熟慮才可接工作：「之前有人邀請我返內地拍劇，但來回隔離成個月，真係要諗掂阿仔邊個照顧呢？點知佢同我講『媽咪你放心去啦，我大個喇！』，我當吓都呆一呆，望真啲佢真係成熟咗，依家先放膽接工作。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
