《聲夢傳奇》「人氣王」炎明熹（Gigi）昨日（9日）到將軍澳電視城出席《善心滿載仁愛堂》，講到其新歌《真話的清高》MV製作特輯化為非同質化代幣（NFT），為仁愛堂籌款，她開心表示希望大家可以多多支持，又話都會叫同學仔幫手，問到希望籌到多少位數字？她表示：「愈多愈好，不過有心意都夠。」而講到冒住8號風球出席活動，身穿4吋斗零踭的她笑言自己搖搖欲墜：「今次呢對係最高嘅高踭鞋，都OK慣嘅，但唱歌時盡量唔好郁，因為驚拗柴，頭先出場時都斜咗少少，即刻企直番個人就冇事。」
講到拍緊青春歌舞劇《青春本我》，她透露都是在星期六、日才拍，但現因為打風取消，希望之後可以跟番進度，問到又返學又拍劇辛唔辛苦？她坦言：「梗係辛苦，但都開心嘅，可以吸取經驗。（功課做晒？）暫時都做晒嘅，如果冇漏嘅話，不過依家都唔係太多功課，我喺學校盡量做晒先，不過嚟緊禮拜一要測驗。（溫咗未？）未，但帶咗嚟，但都未有時間溫書，諗住唱完歌先溫。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
