無綫電視非戲劇節目監製及經理衞世輝9月17日因心臟病發猝逝，終年62歲。其家屬昨日（9日）於紅磡香港殯儀館以道教儀式為他設靈，今日（10日）上午10時出殯。他多位生前好友一早前來送別，當中包括何麗全、曾醒明、陳永孫、徐正康、堂弟衞志豪及安德尊等。
安德尊對衞離世表示非常不捨：「識佢好多年，佢好錫大家，尤其我剛入TVB嗰陣好幫我，有時冇嘢做同佢講佢會幫你諗嘢做。（有乜難忘事？）同佢係好好朋友，我成日整蠱佢，有時我發台瘟佢都好包容我，佢離開真係好唔捨得，佢咁年輕仲有好多嘢可以做，希望佢太太節哀，最難過係佢太太。（會唔會令你覺得更珍惜身邊人？）我一向都好珍惜大家，希望大家開開心心，放開心情去享受每一日人生。」
大殮儀式於早上11時進行，由胞弟手持遺照及遺孀陪同，乘靈車移送遺體往歌連臣角火葬場火化。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
