炎明熹（Gigi）：「辛苦係辛苦，但係都開心，因為可以吸取一啲平時學唔到嘅經驗，同唱歌唔一樣，但係又可以套用返喺唱歌。」她表示，因為是第一次拍劇，所以工作人員也十分照顧他們：「拍咗兩日，未有突發事情發生。如果話最大嘅突發事情就係有颱風，所以都取消咗（拍攝）。」
Gigi現時星期一至五上學，星期六、日就要拍劇或唱歌，不過她自言辛苦歸辛苦，卻十分享受，她說：「有工作做係一年好事，同埋我想挑戰自己極限去到邊。OK㗎，如果頂唔順我會出聲。我會盡量喺壓力之中放鬆一下自己。」
忙碌到什麼程度？她透露自己試過在片場做功課、溫書：「有試過喺片場做功課，但因為係我唔記得咗有呢份功課（先拎去片場做），溫書就攞返屋企溫，或者任何地方都溫吓，譬如劇本記到少少，我就去溫書，溫完書劇本又開始唔記得，我就睇劇本。」不怕影響學業？她回答：「始終都有少少，但係老師們都好體諒。」她透露，老師、同學們甚至校長曾合寫過一張心意卡替她加油，讓她感覺很窩心。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
