2021年10月6日星期三

高海寧沙灘拍劇扭親自嘲「豆腐Ling」睇跌打後無大礙 #高海寧

高海寧沙灘拍劇扭親自嘲「豆腐Ling」睇跌打後無大礙

高Ling拍劇扭親腳，自嘲「豆腐Ling」。

TVB咪神高海寧（高Ling）一劇接一劇，昨日（5日）突然在IG限時動態上載一張腳踝受傷的黑白相，見她用紗布包紮，留言：「『豆腐Ling』又上身，扭親小小冇事。」及後高Ling以短訊回覆《頭條娛樂》稱是在沙灘拍攝時整傷，現已沒有大礙，她說：「喺沙灘拍嘢，好小事，扭親小小啫，睇咗跌打。」

高Ling雖然工作咁忙，但仍然好努力操fit，一直keep住34D逼爆上圍配小蠻腰，近日她上載兩張近照，相中高Ling將恤衫綁起露出纖腰及騷出結實腹肌線條，但由於太瘦；褲頭有好多空位，差不多可以攝到一隻手入內，十分誇張。有好友留言大讚：「識你咁耐，呢刻係你最健康最fit嘅狀態！努力有成果！」不過高Ling尚未滿意：「喜歡拚命的自己，力求完美」。