歌手謝安琪（Kay）最近忽然回春，尤其佢晒出一張四眼自拍，仲即時被網友推到做神圖，因為已經44歲嘅佢，望落真係似足18歲，仲引嚟大批圈中藝人都留言大讚，真係羨慕又妒忌！不過女神又點會咁自私，其實佢都公開過自己凍齡5招，全部都夠晒簡單，你又跟唔跟到？
樂壇天后Kay曾經講過，自己好需要靠飲水嚟保持靚聲，所以佢每日都會飲2公升以上嘅室溫水，加上要養聲，佢仲會額外再飲至少500毫升暖水，補充身體水分，真係又排毒又養生，連皮膚都靚埋。
飲食係相對嘅，所以Kay都會注意食入口嘅嘢，佢茹素多年，有時工作量大，需要體力配合，佢都會食碳水化合物及蛋白質，放假時佢就盡量食得清淡，經常飲湯同食水果，保持皮膚緊緻白滑。
唔好以為天后就要用天價護膚品，佢就講過自己平時冇特別保養，亦冇搽貴價保養品，反而佢成日都會畀皮膚好好「休息」，唔化妝、唔搽厚重護膚品反而係佢童顏關鍵！
Kay本身係敏感肌膚，所以佢一有紅腫、痕癢，佢會利用天然蘆薈敷面，貪佢「Less is more」，加上蘆薈有助鎮靜、紓緩紅腫，所以佢都會用蘆薈傍身。
而最後一招都依然係Easy Job，就係要勸做運動。眾所周知Kay老公張繼聰係健身達人，兩公婆成日都會拍拖做運動，Kay自己就每星期至少跑步3次，等皮膚可以好好排毒，加上促進新陳代謝，想唔靚都難。
----------------------------------------
無論Keep Fit定美容，永遠都係潮流熱話，想知道最新最潮，又或者係奇怪偏方，只要留意繽FUN專題嘅「至Fit」，天下間咁多收身美容方法，總有一種係適合你！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
