藝人鄭嘉穎、周家怡、張寶兒等今日（4日）在將軍澳電視城，為台慶劇《星空下的仁醫》宣傳。鄭嘉穎透露大仔Rafael近日持續發燒一星期，起初以為在學校感染，後來檢查後才發覺原來兒子出大牙，令到牙肉腫痛，他說：「拍完套劇，好明白為人父母嘅心情，個仔只係病咗一個禮拜，屋企已經好似變咗灰色咁，可想而知有長期病患嘅小朋友嘅父母心情。今次老婆（陳凱琳）最辛苦，媽媽真係好偉大，佢成個禮拜都好緊張，係200分嘅媽咪，將來阿仔唔孝順我唔緊要，一定要孝順媽咪。」
有消息指馬國明買定戒指明年初迎娶湯洛雯，作為好友的鄭嘉穎則說：「我唔知喎，完全冇聽過，呢啲要問番佢本人喇。」他又開玩笑稱同場的周家怡是英皇「一姐」，周家怡笑說：「千祈唔好咁講，我點都唔認㗎。」
《星》劇在myTV SUPER首播日至昨晚（3日），總影片瀏覽量達2,495,874次，而總瀏覽人數有324,961，反應熱烈。
本文作轉載及備份之用 來源 source: http://hk.on.cc
|
鍾意就快D Share啦！
|
|
|