無論你熟唔熟悉星座都好，一講起「最難頂星座」嘅話，唔少人會第一時間諗起處女座（8月23日至9月22日），除咗話佢哋過分完美主義之外，亦有人會鬧處女座吹毛求疵，甚至有佢講冇人講！楊冪同范冰冰兩大內地紅星，出道多年拍過唔少經典作品，但同屬處女座嘅佢哋，就曾經爆出「惡啃」嘅一面，其中楊冪被鬧耍大牌，助手踎低幫佢換鞋踎咗足足10秒，佢先至肯遞起隻腳。自認個性太強嘅范冰冰，當年一句「我就是豪門」霸氣回應記者提問，亦被網民話佢態度嚣張，不可一世。
至於台灣「處女代表」就有蔡依林（Jolin）同張鈞甯（Janine），Jolin作為唱跳歌手屹立歌壇多年，曾被讚譽為「華人大舞曲家」，成績驕人；獲封為「台灣第一氣質美女」嘅Janine，除咗電視劇同電影作品多到數唔晒，更加擁有法律碩士學位，堪稱娛樂圈中嘅學霸。雖然「雙J」多年來嘅負評唔算多，但就同楊冪、范冰冰一樣，感情生活唔係冇乜着落，就係分手收場，唔通真係同處女座嘅性格有關？今集《J星族》就由塔羅神Jessica幫你拆解「處女女」難頂嘅地方！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
