鄭裕玲（Do姐）和王苑之（Ivana）今日（2/11）現身電視城為無綫綜藝節目《男神廚房》進行錄影。提起每集有參賽男神嘉賓顯廚藝，二人大飽眼福。Ivana笑言：「其實我哋心目中嘅標準都係高嘅，咁所以係我哋心目中稱得上係男神嘅未必有咁多個嘅。」
而Do姐就笑言：「靚仔係冇用嘅，最緊要煮出來嘅餸一定要食，同埋人品一定要好。其實除咗同佢哋喺傾談過程中會發現佢哋人品好唔好之後，其實喺煮餸嘅過程都可以觀察得到。就好似有啲人煮嘅時候會好整齊，但有啲人就會搞到廚房亂七八糟。」
被問到《男神廚房》迎戰ViuTV 「教主」盧瀚霆（Anson Lo）的《神的女主角》節目，會否影響收視？Do姐表示：「呢啲就唔關我哋事，我哋只不過係藝員，唔係負責排節目嘅，咁我哋盡力做好自己嘅節目囉。收視方面，我哋就冇嘢好擔心，做好自己就算喇。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
