2021年11月2日星期二

袁文傑搭的士見車門塞紙巾怒轟欠公德心如隨地吐痰丟垃圾 #袁文傑

袁文傑搭的士見車門塞紙巾怒轟欠公德心如隨地吐痰丟垃圾

袁文傑搭的士時又中伏。

袁文傑近日搭的士可謂一肚氣，他與不少人一樣，坐上車後打算關門，就發現車門的門柄凹槽塞滿紙巾，恐怖又嘔心，他拍下照片上載到其社交網，並打上長長留言直斥塞紙巾行為自私：「其實呢種『塞』件衞生紙巾喺車門裡的位置，係一種好自私行為！」

由於不時搭的士代步，袁文傑自言久不久總遇到一次，他續寫道：「記得多年前一次開車門上車，坐低話畀司機知去邊度然後閂車門，一摸，摸到一嚿疑似頗具『質感』的白色紙物體，那是遠在疫情之前，又未有帶消毒潔手液出街……其實跟隨地吐痰、拋垃圾出街、或詐詐諦跌咗個用完口罩落地，又有乜分別？更慘情，如這白色紙物體帶給你『一丁點』濕濕潺潺的觸感……」，不少網民對他的留言表示有同感，其中演員鄭世豪回應留言︰「我都永遠諗唔明，啲人係咩玩法？」江嘉敏亦說：「成日都見到，成日都唔小心會摸咗落去」，聽落的確有不少人都中過伏，難怪此話題會引起共鳴。