藝人吳若希（Jinny）喺福建出世，本來佢出身富裕，但因為佢爸爸生意出問題而家道中落，其後父母離異，佢10歲就同媽媽嚟香港生活，同姨姨、公公及婆婆居住喺公屋。佢日前於社交平台上載影片，重遊佢嘅成長地方，懷緬一下自己嘅童年生活。
佢喺影片搵嚟小學同學，一齊去細個住嘅荃灣同返去細個讀嘅小學，而佢嘅小學同學屋企係開海味店，佢仲試食店內嘅鮑魚，小學同學指啲元貝話︰「呢啲就係我細細個嘅零食」令到Jinny相當羨慕話︰「零食？同真係同我細細個好唔同，我細個拎2蚊去買雪糕都覺得貴！」之後佢哋一齊返去細個讀書嘅小學，小學同學爆Jinny細個已經「高人一等」，生得比其他同學高，而做過風紀嘅Jinny，就話嗰陣先啱啱落嚟香港，所以廣東話唔正：「將塗改液講成塗改『葉』。」仲畀身邊呢個小學同學笑添，不過Jinny冇嬲仲覺得有助自己改善廣東話：「當你笑完我就知道原來唔係咁講。」佢哋仲搵埋以前教過佢哋嘅老師一齊影相添！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
