藝人鍾嘉欣今日（18日）出席賀年活動，她表示明早便會飛返加拿大與家人團聚，她說：「原本上星期飛，但航班取消咗，好感恩可以趕得切返去同屋企人過年。（要唔 ...
Video Player is loading.
Current Time 0:00
Duration 0:00
Remaining Time -0:00
This is a modal window.
The media could not be loaded, either because the server or network failed or because the format is not supported.
Beginning of dialog window. Escape will cancel and close the window.
End of dialog window.
藝人鍾嘉欣今日（18日）出席賀年活動，她表示明早便會飛返加拿大與家人團聚，她說：「原本上星期飛，但航班取消咗，好感恩可以趕得切返去同屋企人過年。（要唔要隔離？）會居家隔離14日，其實都有啲擔心，嗰邊每日幾千宗。（會點預防？）照做番平日嗰啲措施，其實最緊要有好嘅心理質素，健康思想、健康身體、多休息，大家要加油保重堅持。」
問到女兒有否掛念她，她指5歲女兒已懂事：「可能之前都慣咗我耐唔耐要飛，不過佢話預備咗一萬個kiss同擁抱等我，又話會同我瞓。（有冇買咗好多禮物畀佢？）唔使我買啦，我好多朋友都買咗嘢畀佢，搞到我行李超晒重。」她坦言未知幾時會再回港，感恩今次想做的事已全部做好：「今次返嚟有好多得着，好似阿仔佢今次陪我返嚟個幾月，啲廣東話突飛猛進，依家應該可以同你對答如流，加上見到媽咪啲朋友個個都咁靚又咁錫佢。（會唔會有工作傾緊遲啲返嚟？）其實都有傾，但要睇情況，依家疫情咁樣，同埋我都唔想離開屋企太長時間，不過老公大部分親人都喺香港，所以佢話若果疫情轉好，我哋就即刻執包袱飛返嚟。」
