歌手林欣彤（Mag）被東網率先爆疑再做「小三」，跟樂隊ONE PROMISE鼓手Anton暗撻，由於Anton本身有個拍拖7年的圈外女朋友，所以有圈中人睇唔過眼爆大鑊，指Mag係撬人牆腳，由於Mag昨日（19日）自爆疑確診冠肺炎，即有人爆料她疑被同居的Anton傳染，兩個當事人一直冇回應。
不過Anton的圈外女友在消息爆出後，今日（20日）凌晨在社交網上載Mag的老友許廷鏗首歌《殘忍》，夠晒應景，並留言：「擠迫的關係之中肯定一個要淘汰 從來從無犯錯 而離場仍是我！」加上一個裂開的心心emoji，歌曲意有所指，留言更暗示與Anton之間有第三者，結果她慘被「飛甩」。
而Anton回覆傳媒時，認與Mag拍拖：「首先多謝大家關心，我同Mag係發展中，而且同前任分手後先同Mag一齊，Mag絕對唔係第三者。我嘅前任係圈外人，所以都唔希望佢因為呢件事受輿論壓力。加上我同Mag病情唔輕，仍在康復階段中，希望各位給予空間，最緊要大家都身體健康，疫情快啲好轉，多謝！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
