「34F乳神」湯沛宜（Toto）本月突然遠走美國，周遊洛杉磯、拉斯維加斯四處遊玩，她不時更新社交網晒滑雪和行名店相，狀甚富貴，剛過去的情人節她拿着99支黃玫瑰影相，暗示有人送花。Toto向來以教健身為生，疫情期間健身室多次要關閉，令她收入大減呻窮，現在忽然「富貴」，她解釋赴美一來因太耐冇去旅行，二來希望赴美尋找出路，她說：「想睇吓美國有冇發展空間，呢度健美比賽好流行，我想入場睇比賽取經，本身都有親戚和朋友喺度，由佢哋帶我周圍去玩，其實我都係去遊客點打卡，影吓相都係最平嘅消費，（情人節有追求者送花？）紮花係人哋，我拎嚟影吓相啫！」
她表示疫情初期的確冇收入，但自從拍了《鬼同你上位》後，多了不少工作，分別有直播、NFT工作，其中以KOL工作為主，並自爆Post價「每個Post 3千」，透露更有品牌向她提出月薪「包」她出Post，故每月平均都有5位數字穩定收入。她笑言自己搵到，不用使男人錢：「不過如果遇上真愛，畀自己鍾意男人照顧係一種幸福，我認為男人照顧女人係一種責任和承擔。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
