台灣藝人小S在社交網上載照片，宣布以「elephant DEE」身份推出新專輯《elephant DEE的demo Oops!》，仲搶先post出今次專輯嘅封面照。不個今次封面照有別於以往，佢竟然用咗一張反白眼、歪嘴嘅「抄車相」做封面，仲疑似真空上陣，睇落若隱若現，性感得嚟又充滿怪誕風！
佢喺貼文寫到今次專輯由自己與陳建騏共同擔任製作人，收錄咗十一首作品，以生活為創作靈感，音樂風格不受拘束，自由奔放，拒絕貼上任何標籤，仲話「就是會讓你聽到嘆為觀止，然後發出“Oops!”譁然一聲。」搞到一班粉絲都非常期待，紛紛留言「小S的風格我愛」、「只有妳可以連反白眼都這麼有質感」、「看到這封面我笑了」。
今次搞怪風格其實係小S精心策劃，佢想顛覆普羅大眾對「美」嘅睇法。而攝影師為咗捕捉佢反白眼，試咗好多角度同燈光先捕捉到，相當有難度！就連小S都大讚攝影師專業：「我想他人生應該還沒遇到客戶有這種需求吧，真的辛苦他了！」仲話自己反眼反到攰，非常搞笑。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
