歌手伍富橋昨日（14日）宣布向圈外富家女友Shirley成功求婚，他接受TVB《娛樂頭條》訪問，透露這一個月來他不斷向女友求婚，終於在跟女友Staycation時才求婚成功，他說：「女友話我係用洗腦式方法求婚，因為我試過瞓覺前跪地求婚、煲煲吓劇求婚、食飯前又求婚，女友每次見我求婚反應都好驚，即刻叫我起番身。有次我扮求婚，其實係綁鞋帶，佢已經嚇到跑走咗去，哈哈！」他透露事前在酒店房用氣球悉心布置，又訂了心形蛋糕，講求婚誓言時，感動到喊，但女友反而冇喊：「我一路講，一路哽咽，最後都成功。」
他對女友有讚冇彈：「同佢相處好開心，最緊要係大家三觀一致，無論生活上同工作上，佢都畀到好多意見我，可以有種帶住我進步，大家一齊進步嘅感覺，呢樣係最緊要，咁先行得長遠，佢可能就係呢樣吸引我嘅地方。」他選購了心形鑽戒求婚，其實本身並冇研究，只是見女友冇戴過心形戒指。由於疫情關係，他們會先簽紙稍後才擺酒，至於生BB計劃，他說：「我都想生BB，睇緣分，順其自然。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
