吳浩康郭思琳註冊時齊齊爆喊 老闆楊受成為腹中BB準備大利是
吳浩康（Deep）與郭思琳早前承認奉子成婚，一對新人今日舉行小型婚禮註冊，婚禮上當然不少得「愛的宣言」，Deep謂已構思了多個晚上：「都係圍繞住多謝佢，多謝佢願意嫁俾我、願意同我一齊去經歷我哋嘅人生、願意同我一齊去遮風擋雨。我哋各自對大家嘅承諾，就留番俾我哋兩夫妻啦。」由於疫情關係，婚禮未能邀請太多親友出席，Deep表示一定會補辦婚宴。
當兩人正式註冊時，Deep和老婆感動不停落淚，Deep謂：「特別係我自己見到自己爸爸喺度，其實我都冇乜點停過喊。」郭思琳見Deep落淚後自己也「決堤」。問到郭思琳婚後第一課，她笑說要「見識」婚姻的恐怖：「我覺得有太多嘢要去學習，尤其是要學做一個好嘅太太、好嘅媽媽，同埋我同你嘅相處，呢個係人生課題。我哋啱啱新婚，所以我暫時覺得我哋嘅相處係大前題，好多人都話結咗婚後係另一個境界，我都想快啲經歷吓睇吓有幾恐怖。」
兩人在疫情下舉行簡單婚禮，完成人生大事。
新娘子感動到眼紅紅。
Deep堂堂大男人也喊到雙眼通紅。
至於腹中BB是仔定女，Deep表示要保持神秘感暫不透露，但仔女也喜歡：「而家我哋都係專注喺第一個小朋友度先，因為都係第一次做爸爸媽媽，所以有好多嘢都未知，好多情況要兼顧啲乜嘢。」Deep透露老闆楊受成博士會送大利是給BB：「其實收到老闆嘅祝福已經好開心啦，因為老闆真係睇住我成長，照顧咗我20年，都係我半個爸爸，所以有自己咁尊敬嘅人嘅祝福，其實已經係好大嘅禮物。」
吳浩康和郭思琳雙囍臨門。
簽完名完成註冊當然要咀嘴。
吳浩康坦言心情十分緊張。
Deep視老闆楊受成如半個爸爸。
更多第5波疫情資訊，請到以下專頁瀏覽
按此
立即下載 | 全新《星島頭條》APP :https://bit.ly/3yLrgYZ
.jpeg)
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
