藝人劉穎鏇（Tiffany）去年年底飛返美國出席自己的畢業典禮，結果「滯留」當地超過3個月！今午（17日）她出席本屆港姐招募記者會，談到返港過程，她說：「本來1月就返嚟，後來因為疫情延後再延後，父母都想我快啲返嚟復工，所以起初訂機票要經新加坡返香港，點知去到4月1號已經可以直飛香港嘞，搞到我依家去完新加坡先再返嚟，真係兜咗個大圈。」她笑言「有啲嘢整定」，自己亦從來未到訪新加坡，今次於當地逗留兩星期可謂「另類體驗」。
至於在美國逗留3個月，她說：「以前樣樣都好趕，今次時間好充裕，可以慢慢嚟。依家我飛返嚟先，父母會兩個禮拜之後再返，佢哋一齊隔離。」她透露目前報讀演藝課程，為復工做準備。談到港姐招募，她說：「我身邊啲美國朋友，其實係因為我先至知道有呢個比賽，有好多連廣東話都唔識，睇吓佢哋有冇興趣啦。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
