藝人方紹聰（奶仔）於無綫劇《食腦喪B》中，有一場充當道士進行破地獄儀式之戲份，與何廣沛、郭子豪等齊齊送別由雪妮飾演的「阿Paul」最後一程，劇情催淚之餘，亦引起不少網友熱論，網友大讚奶仔「破地獄」的演出非常逼真！原來劇組特意租借殯儀館作實景拍攝外，奶仔亦特別跟師傅上了兩日速成班，學習傳統破地獄儀式，相當認真！奶仔還指拍攝當日，因用真火拍攝，途中更被火花燒燶戲服，險釀成意外！
奶仔憶述當時情況：「因為上堂學嘅時候無點火，到正式拍攝當然要點真火，期間有啲火屑跌咗落件衫度，有啲位置仲燒燶咗。好彩無燒入去身體度。同埋呢場戲都幾刺激下，因為啲火球都幾貼埋面度。」
網民指奶仔的演出令人眼前一亮，有些更搞笑地以「黐線佬」來形容一向愛搏盡的奶仔：「破地獄幾真，個黐線佬學咗幾耐？」、「唔知點解見到奶仔做破地獄有啲感動到想喊。」足以證明該場戲之成功。
本文作轉載及備份之用 來源 source: http://hk.on.cc
|
鍾意就快D Share啦！
|
|
|